حسام حسن في المؤتمر الصحفي لمباراة أنجولا

حسام حسن في المؤتمر الصحفي لمباراة أنجولا:

مباراة بكره هنلعبها بتركيز واحترام كبير لمنتخب انجولا وهدفنا هيكون تحقيق الفوز ومواصلة طريقنا في البطولة

• عن روح اللاعبين؟ الروح مش موجوده بسبب البطولة بس الروح دي من وقت ما استلمنا المهمة مع اللاعبين الروح والانسجام واللعيبه لازم تعرف قيمة تيشرت منتخب مصر وازاي يفرحوا الشعب وده اللي حصل وده نتاج مش فجأة واتمنى من الله انها تزيد الماتشات الجايه

• فيما يخص تشكيل بكرة؟ أنا جايب 28 لاعب من احسن اللعيبه ويستحقوا تمثيل منتخب مصر .. عندنا مجموعة كبيرة وكلهم جاهزين واي لاعب هيلعب هيأدي لان مفيش لاعب جاي كماله عدد

• هل ممكن يكون في تغيير طريقه لعب؟ أنا مش بشتغل بالصدفه .. أنا بشوف الخطة بناء عن كل فريق بنلاعبه سواء نقاط القوة أو الضعف مع الجهاز الفني بالكامل وربنا بيلهمني اختار الشكل المناسب والطريقة ممكن تتغير بدايه الماتش وفي وقت الماتش أو الشوط الثاني وبشكر اللعيبه انهم عندهم مرونه لتنفيذ الخطط دي

• انجولا منتخب قوي لكن أنا عندي هدف احافظ على فرحه الجمهور المصري بالشكل والأداء وتحقيق الفوز وربنا يكرمنا بكره

• أنا قولت بعد مباراة جنوب افريقيا اني بحيي جماهير المغرب على وقوفهم بجانب منتخب مصر ويمكن كل الجماهير المصرية كانت بتبادل المغاربه نفس الشعور حتى في كأس العالم في قطر أنا كنت موجود وقتها والكل كان بيساند المنتخب المغربي وكمان في كأس أمم أفريقيا في مصر كلنا ساندنا المنتخب المغربي وفي روح حلوة بينا اتمنى تدوم خلال البطولة بإذن الله