٦٥ سنة نادي المطرية
القصة بدأت بشاب عادي من المطرية ضربت في دماغة يكتب جواب لرئيس الجمهورية جمال عبد الناصر وقتها ويقوله ازاي حي زي المطرية مفهوش خدمات ولحد هنا القصة عادية جدا جواب اتبعت زي ملايين الجوابات وخلاص ومكانش متوقع انه هيقع في ايد جمال عبدالناصر نفسة واللي كان عنده عاده يفتح بعض الجوابات اللي بتجيله و قرر جمال بسبب الجواب ده يغيير من شكل المطرية بشوية مساكن شعبيه ونادي رياضي ووقع الاختيار على قصر سميكة هانم بعد ما ضربه الإهمال والسرقة بعد وفاتها أواخر الأربعينات حزنا على ابنها فريد سميكة اللي اتوفى في ١٩٤٧ خلال الحرب العالمية الثانية.. وكمان اتاخد جزء من ملعب البولو اللي كان ملك يوسف باشا كمال… ولحد النهاردة هتلاقي آثار لقصر سميكة منها البوابه الأمامية للنادي واللي هي هي بوابة القصر بالإضافة لصاله العرض الخاصة بفريد سميكة واللي كان من هواه مشاهدة الأفلام الأمريكية وكمان الجزء الخارجى للمبنى الاجتماعي كان جزء من القصر..ووقتها وبعد التأسيس وقع الاختيار على أحمد صلاح منطاوي ليكون أول رئيس للنادي المطرية الرياضي… وتبدأ قصة خروج الابطال وزي ما كان صاحب قصر نادي المطرية أول عربي يفوز بميدالية أولمبية كانت فريال اشرف بنت النادي تفوز بأول ميدالية عربية في الكاراتيه ولسة الحكاية مكمله
